ភ្នំពេញ៖ រដ្ឋមន្ត្រីព័ត៌មានលោក ខៀវ កាញារីទ្ធ ស្វាគមន៍អ្នកសង្កេតការណ៍បរទេសសម្រាប់ការបោះឆ្នោតនៅកម្ពុជា ដែលបានបង្ហាញថា កម្ពុជាជាប្រទេសប្រជាធិបតេយ្យ មានតម្លាភាព។
យោងតាមការចុះផ្សាយរបស់វិទ្យុជាតិ លោករដ្ឋមន្ត្រី ខៀវ កាញារីទ្ធ បានលើកឡើងបែបនេះក្នុងឱកាសអនុញ្ញាតដល់ប្រធានមូនិធិសម្របសម្រួល សហរដ្ឋអាមេរិកជាមួយឥណ្ឌូចិន លោក Jonh McAuliff អញ្ជើញចូលជួបសំដែងការគួរសម និងពិភាក្សាការងារនៅព្រឹកថ្ងៃទី២៣ ខែមករា ឆ្នាំ២០២៣ នៅទីស្ដីការក្រសួងព័ត៌មាន។
ជាមួយនឹងការស្វាគមន៍លោករដ្ឋមន្រ្តីក៏សុំឱ្យអ្នកសង្កេតការណ៍ត្រូវយល់ដឹងឱ្យច្បាស់អំពីការពិតនៅលើទឹកដីកម្ពុជាឱ្យច្បាស់សិនមុននឹងមកទីនេះ។
លោកថា៖ «មុននឹងយកតែទ្រឹស្ដីមក ហើយពាក់តែកញ្ចក់ពណ៌របស់ប្រទេសអឺរ៉ុបឬអាមេរិក មកវិភាគនៅកម្ពុជា»។
ក្នុងឱកាសនោះលោករដ្ឋមន្រ្តីក្រសួងព័ត៌មានក៏បានថ្លែងអំណរគុណលោក Jonh McAuliff ដែលបានប្រឹងប្រែង បង្ហាញពីប្រទេសកម្ពុជាឱ្យប្រជាជនសហរដ្ឋអាមេរិក បានយល់អំពីសភាពការកម្ពុជា៕